مكرونه اسباجتى بصوص الطماطم

مكرونه اسباجتى

الطريقة وسهله جدا

 مكرونه اسباجتى مسلوقه  حطيى عليها معلقه زبده وكنت محضر كوبايه عصير طماطم مع فص ثوم

 مفروم ومعلقه معجون طماطم وملح وفلفل اسود ونص معلقه صغيره زعتر بودره و 2 معلقه كبيره 

كاتشب مع نص معلقه صغيره بصل بودره وحطيت ده كلهم ع النار يغلى وبعدين غرفت المكرونه وحطيت 

جبنه مبشوره سهله على البنات الصغيرين اللى اول مره يدخلو المطبخ خليهم يعملوها بسيطه وسهله

   جربيها وبالهنا والشفا

كفته التونه

كفته التونه

المكونات

2علبة تونة

2 حبه بطاطس مسلوقه كبيره

1 ربطه كزبره خضرا مفرومه

1 بمعلقه بصل مجفف

عصير 3 ليمونه

ملح وفلفل اسود وكمون

1 معلقه بابريكا

1 معلقه صغيره بقدونس مجفف

1 معلقه شطه بودره

2 فص ثوم مفرومين فرم ناعم جدا او معلقه صغيره ثوم بودره

بيض وبقسماط

الطريقة

بنصفى التونه من الزيت كويس جدا وبعدين بحط عليهم البطاطس المسلوقه سلق كامل

والثوم المفروم والبصل المجفف وبعجنهم كويس جدا وبعدين بضيف كل التوابل اللى قلت عليها البابريكا 

والشطه والكمون والملح والفلفل وبعدين الكزبره المفرومه عصير الليمون وبعد كده بحطها فى الثلاجه 

نص ساعه  اجهز البانيه البيض والبقسماط وبعدين بشكل كفته التونه دواير او صوابع وبحطها

 فى البيض ثم البقسماط وبعدين برجعها تانى

التلاجه لمده ربع ساعه عشان تشد شويه وبعدين بنقليها فى زيت غزير 

وبالهنا والشفا

الفراخ البوب كورن

الفراخ البوب كورن

المكونات هتكون 

نص كيلو صدور فراخ مقطعه مكعبات 

نص كوب كبير دقيق عادى

نصف كوب دقيق زره

1 معلقه صغيره ثوم بودره

1 معلقه صغيره بصل بودره

1 معلقه صغيره كارى بودره

1 معلقه كبيره زعتر بودره

1 معلقه كبيره نشا

ملح وفلفل اسود

1 معلقه صغيره بصل مجفف ولو مفيش مش مشكله

1 معلقه صغيره بقدونس مجفف

الطريقه

هتقلبى كل ده على الدقيق الابيض ودقيق الذره وبعدين تقسمى الخليط ده على نصين نص منهم هتديله مايه وتقلبيه لحد مايكون فى قوام البشاميل بظبط وتركنيه على جنب والنص التانى زى ماهو هتسخنى الزيت كويس جدا ويكون غزير يعنى عايزه يغطى الفراخ وانتى بتقليها وبعدين هترشى قطع الفراخ بالملح والفلفل وتحطيها فى العجينه ومن العجينه على الدقيق ومن الدقيق على القلى لحد ماتاخد اللون الدهبى الجميل 

وبالهنا والشفا

رموش الست

رموش الست 

من الحلويات الشرقيه الجميله

المكونات

1 كوب سكر بودرة

6 معالق كبيره سميد بسبوسه

1 كوب زبده

2 معلقه جوز الهند

3 بيض + فانيليا

3 كوب ونص دقيق

نص معلقه بيكنج بودر

شربات تقيل

طريقه العمل

بنضرب السكر مع الزبده بالمضرب الكهربائى وبعدين بضيف عليهم البيض الفانيليا مع الضرب المستمر وبعد كده بضيف السميد وجوز الهند وبقلبهم كويس وبعدين بنزل بالبيكنج بودر والدقيق شويه شويه لحد متبقى عجينه متماسكه معايا بعد كده بحطها فى الثلاجه لمده نص ساعه عشان تتماسك وتبقى سهله التشكيل وبعد كده بشكلها زى منتوا شايفين فى الصوره وممكن كمان اعملها مدوره اى شكل انتوا عايزينه بايديكم تعملوها كرات صغيره وتضغطوا عليها بخفه وترصوها فى صاج او صينيه مدهونه بقطعه زبده بسيطه وتدخل الفرن على درجه حراره 160 لمده 15 دقيقه ولما تخرج تسقوها بالشربات

وبالهنا والشفا

هوت تشكوليت

هوت تشكوليت

الطريقة

قطعه شيكولاته اى نوع بتحبيه  نوع وتكون ساده ولو عندك تشكولت دارك فى مطبخك يبقى كويس 

هتجيبى كوبايتين لبن حليب و سكرك حسب رغبتك بس 2 او 3 معلقه سكر ك دول وكمان معلقتين كاكاو بودره وزره صغيره جدا قرفه

هتحطى الشيكولاته فى المكرويف لحد ماتسيح واللبن ع النار هتقلبى فيه الكاكاو البودره مع السكر 

مع القرفه وقبل الغليان هتضيفى الشيكولاته السايحه وتقدميها سخنه جدا 

وبالهنا والشفا 

بيض بالجبنه والسلامى

 بيض بالجبنه والسلامى 

المكونات والطريقة

 هاتى قالب الكب كيك  او صينيه صغيره اللى عندك وتسخنى الفرن 

وتحضرى بصله مفرومه تاخديها نص سوى فى طاسه مع 5 قطع سلامى او فراخ نوع تفضليه

متقطعين وتركنيهم تجيبى بعدها5 بيضات هتضربيهم كويس مع البصل والانشون ومعاهم 

 نص كوب جبنه مبشوره شيدر او مودذاريلا و ملح وفلفل وكزبره خضرا مفرومه او بقدونس وشويه 

زعتر بودره وتحطى كلهم فى قالب الكب كيك وعلى الفرن لمده 5 دقايق او لحد مايستوى معاكى 
وتطلعى اطعم واحلى اكله لكل اسرتك هتعجبهم

وبالهنا والشفا جربيها

طريقة البطاطس بالكريمه

البطاطس بالكريمه

المكونات والطريقة

هاتى 2 حبات بطاطس قشريهم قطعيهم حلقات رفيعه اكبر من الشيبسى بشويه

هاتى  كوب ونص لبن حليب مع نص كوب كريمه لبانى و بشره جوز الطيب و ملح وفلفل ومعلقه زعتر 

صغيره وكمان معلقه ثوم مفرومه وكمان هاتى 2 معلقه زبده قلبى كلهم مع البطاطس حطيها فى

 البيركس وعلى الوش شويه مودزاريلا وحطيها فالفرن  درجه حراره 170 لمده 45 دقيقه 

 هتطلع معاكى اجمل بطاطس  هتعجب كل العائله

 جربيها وبالهنا والشفا